ਸੰਤ ਪ੍ਰੇਮਾਨੰਦ ਮਹਾਰਾਜ ਨੇ ਭਗਤਾਂ ਨੂੰ ਦਿੱਤਾ ਭਾਵੁਕ ਸੰਦੇਸ਼, ਸਿਹਤ ਖਰਾਬ ਹੋਣ ਕਾਰਨ ਪਦਯਾਤਰਾ ਰੋਕੀ

ਵ੍ਰਿੰਦਾਵਨ

ਵ੍ਰਿੰਦਾਵਨ ਦੇ ਪ੍ਰਸਿੱਧ ਸੰਤ ਪ੍ਰੇਮਾਨੰਦ ਮਹਾਰਾਜ ਦੀ ਸਿਹਤ ਖਰਾਬ ਹੋਣ ਕਾਰਨ ਪਿਛਲੇ ਕੁਝ ਦਿਨਾਂ ਤੋਂ ਉਨ੍ਹਾਂ ਦੀ ਰਾਤ ਦੀ ਪਦਯਾਤਰਾ ਅਤੇ ਇਕਾਂਤ ਮੁਲਾਕਾਤਾਂ ਮੁਲਤਵੀ ਕਰ ਦਿੱਤੀਆਂ ਗਈਆਂ ਹਨ। ਉਨ੍ਹਾਂ ਦੇ ਸ਼ਰਧਾਲੂਆਂ ਨੂੰ ਨਿਰਾਸ਼ ਹੋਣ ਤੋਂ ਬਚਾਉਣ ਲਈ ਮਹਾਰਾਜ ਜੀ ਨੇ ਇਕ ਵੀਡੀਓ ਸੰਦੇਸ਼ ਜਾਰੀ ਕਰਕੇ ਆਪਣੇ ਭਗਤਾਂ ਨੂੰ ਭਾਵੁਕ ਅਪੀਲ ਕੀਤੀ ਹੈ। ਉਨ੍ਹਾਂ ਕਿਹਾ, "ਬਿਲਕੁਲ ਚਿੰਤਾ ਨਾ ਕਰੋ। ਅਸੀਂ ਮਿਲੀਏ ਜਾਂ ਨਾ ਮਿਲੀਏ, ਬੋਲੀਏ ਜਾਂ ਨਾ ਬੋਲੀਏ, ਅਸੀਂ ਤੁਹਾਡੇ ਸਾਰਿਆਂ ਨੂੰ ਬਹੁਤ ਪਿਆਰ ਕਰਦੇ ਹਾਂ। ਬਿਨਾਂ ਬੋਲੇ ਵੀ ਅਸੀਂ ਤੁਹਾਡੇ ਦਿਮਾਗ ਵਿੱਚ ਰਹਾਂਗੇ।"
ਸੰਤ ਪ੍ਰੇਮਾਨੰਦ ਮਹਾਰਾਜ ਦੀਆਂ ਦੋਵੇਂ ਕਿਡਨੀਆਂ ਖਰਾਬ ਹਨ ਅਤੇ ਉਨ੍ਹਾਂ ਦਾ ਹਫ਼ਤੇ ਵਿੱਚ 2-3 ਵਾਰ ਡਾਇਲਸਿਸ ਹੁੰਦਾ ਹੈ। ਇਸ ਦੇ ਬਾਵਜੂਦ ਉਹ ਨਿਯਮਿਤ ਤੌਰ 'ਤੇ ਰੋਜ਼ਾਨਾ ਤੜਕੇ 3 ਵਜੇ ਕੇਲੀ ਕੁੰਜ ਆਸ਼ਰਮ ਤੋਂ ਸੌਭਰੀ ਵਨ ਤੱਕ ਡੇਢ ਕਿਲੋਮੀਟਰ ਦੀ ਪਦਯਾਤਰਾ ਕਰਦੇ ਸਨ, ਜਿੱਥੇ ਹਜ਼ਾਰਾਂ ਦੀ ਗਿਣਤੀ ਵਿੱਚ ਭਗਤ ਉਨ੍ਹਾਂ ਦੇ ਦਰਸ਼ਨਾਂ ਲਈ ਪਹੁੰਚਦੇ ਸਨ। ਸਿਹਤ ਵਿਗੜਨ ਕਾਰਨ ਹੁਣ ਆਸ਼ਰਮ ਵੱਲੋਂ ਲਾਊਡਸਪੀਕਰ ਰਾਹੀਂ ਭਗਤਾਂ ਨੂੰ ਭੀੜ ਨਾ ਕਰਨ ਦੀ ਬੇਨਤੀ ਕੀਤੀ ਗਈ ਹੈ।
ਮਹਾਰਾਜ ਜੀ ਦੇ ਜੀਵਨ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦਾ ਜਨਮ ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਦੇ ਅਖਰੀ ਪਿੰਡ ਵਿੱਚ ਹੋਇਆ ਸੀ ਅਤੇ ਬਚਪਨ ਵਿੱਚ ਉਨ੍ਹਾਂ ਦਾ ਨਾਮ ਅਨਿਰੁੱਧ ਕੁਮਾਰ ਪਾਂਡੇ ਸੀ। ਉਹ ਬਚਪਨ ਤੋਂ ਹੀ ਅਧਿਆਤਮਿਕ ਰੁਚੀ ਰੱਖਦੇ ਸਨ ਅਤੇ ਮਹਿਜ਼ 13 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੇ ਘਰ ਛੱਡ ਦਿੱਤਾ। ਸ਼ੁਰੂ ਵਿੱਚ ਉਹ 'ਆਰਿਅਨ ਬ੍ਰਹਮਚਾਰੀ' ਬਣੇ ਅਤੇ ਕਾਸ਼ੀ ਵਿੱਚ ਸੰਨਿਆਸ ਜੀਵਨ ਬਤੀਤ ਕੀਤਾ। ਬਾਅਦ ਵਿੱਚ, ਵ੍ਰਿੰਦਾਵਨ ਆ ਕੇ ਇੱਕ ਸਖੀ ਪਾਸੋਂ ਰਾਧਾਵੱਲਭ ਸੰਪਰਦਾ ਦਾ ਸ਼ਲੋਕ ਸੁਣ ਕੇ ਉਹ ਇੰਨੇ ਪ੍ਰਭਾਵਿਤ ਹੋਏ ਕਿ ਆਪਣਾ ਸੰਨਿਆਸ ਧਰਮ ਛੱਡ ਕੇ ਰਾਧਾਵੱਲਭੀ ਸੰਤ ਬਣ ਗਏ। ਉਨ੍ਹਾਂ ਨੇ ਭਗਤਾਂ ਨੂੰ ਨਿਰਭੈ ਹੋ ਕੇ ਨਾਮ ਜਪਣ ਅਤੇ ਖੁਸ਼ ਰਹਿਣ ਦਾ ਸੰਦੇਸ਼ ਦਿੱਤਾ ਹੈ।

---

Saint Premanand Maharaj has suspended his daily Padyatra in Vrindavan due to health issues and released an emotional video message for his devotees asking them not to worry.

संत प्रेमानंद महाराज ने सेहत खराब होने के कारण वृंदावन में अपनी पदयात्रा रोकी और भक्तों के लिए भावुक वीडियो संदेश जारी कर चिंता न करने और नाम जप करने की अपील की।